Бүсгүйн тухай бүгээн бодол...

Гансарч ганцаардаж суусаар
Ганц олдох залуу нас чинь
Гэрийн мухарт өнгөрөх вий

Голж шилж алхсаар
Гэгэлзтэл дурлахаа болиод
Гэнэхэн насаа өнгөрөөх вий

Шунаж хундага тулгасаар
Шимгүй дарсанд дурлаад
Шөнийн охин болох вий

Сэтгэлээ уудалж чалчсаар
Санааны зоргоор нь уулзсаар
Сарны охин болчих вий

Нандин дурсамжаа бодсоор
Над дээр ирнэ гэж хүлээсээр
Насаараа ганцаараа хоцрох вий

Хором хийх чөлөөгүй ажилласаар
Хонуут өнжүүт зүтгэсээр
Хэн ч үгүй ганцаараа үлдэх вий

Дэргэдэх ганцыгаа гоочилсоор
Дандаа бусдад муулсаар
Дан ганцаараа зүтгэх болох вий

Харь явсныг хүлээсээр
Хаалга дуугарахыг чагнасаар
Хайран насаа барах вий

Гоё сайхан үгэнд хууртсаар
Гол дагаж намирсаар
Гэдсээ чирээд ганцаардах вий

Сурах насандаа энгэрээ задгайлаад
Сурагч насаа үнэгүйдүүлээд
Сүүтэй энгэр нулимсаар солих вий

Эрдэм дагадаг насаа
Эр дагаж эрхэлчхээд
Эмгэн болчихоод харамсах вий...

Бүсгүйн тухай
Бүгээн бодлууд
Болдоггүй бүхэн
Бодит амьдралаас л хөврөх юм... Undraa'S poem 2017.04.24










Comments

  1. saffronejagerMarch 5, 2022 at 6:36 AM

    The titanium nitride gun coating – A new coating from the manufacturer
    By designating a titanium necklace piece of metal in titanium blue the coating of the stainless steel tip, the titanium welding tip passes over into the blade. 2020 ford ecosport titanium For blue titanium cerakote

    ReplyDelete

Post a Comment

Popular posts from this blog

С. Дулам “Хүмүүн бичиг” шүлэг          1. Тэнгэр газар 2-ыг учруулж Намираа хур орох мэт Тэнүүн уйтгар 2-ыг учирлаж Морин хуур дарах мэт           2.    Тэлмэн жороогийн удгал Монгол бичгээрээ бичдэгсэн Титэм, шүд, нуруу, шилбэтэй Тэр чигээрээ хүн бичиг минь 3. Харанхуй шөнийн цахилгаан цахихад Хаялга цацлага нь зуралзах шиг болдог Хаврын униар цас ханзрахад Хархан бийрээр таталгах шиг болдог 4.  Халуун хошуут малын данс шиг Халзан цагаан сүрэг минь бэлчдэг Хөлгөн судрын мэргэн гарчиг шиг Хөндлөн хөх уулс нь бидэртдэг 5.  Удам залгасан нутгийнхаа хаанаас ч Төр улсынхаа тамганд сийлээстэй Түмэн газрын хэрэмнээс ч дуулиантай Түвшин мэргэдийн өвөрт хуйлаастай 6.    Түүх бүтээлцэж явсан бичиг минь Арвис эрдмийн ариун дээжийг Арван ухааны номонд ботилж Есөн эрдэнээр хувилган гэрэлтсэн Ер бишийн хувь тавилантай 7.    Нумын хөвч шиг бичиг минь ...
Read more

Хөхөө шувууны үлгэр

Эрт цагт нэгэн ээж дөрвөн хүүхэдтэйгээ амьдардаг байжээ. Хүүхдүүд нь өглөөнөөс орой болтол тоглон, ээжийнхээ үгэнд ордоггүй байв. Ээж нь гэрийн бүхий л ажлыг хийн ядардаг байлаа. Нэгэн өдөр ээж нь хүндээр өвдөж хүүхдүүдээ дуудан: Хүүхдүүд ээ миний бие их муу байна. Ус авчирч өгөөч гэжээ. Гэвч хүүхдүүдийнх нь хэн нь ч ээждээ тусалсангүй. Ээж нь авдраасаа ер бусын сонин өнгөтэй уранхай дээлээ гаргаж ирээд хэдэн өдрийн турш оёж нөхөж дуусаад, гэрийн бүх ажлаа хийж, хүүхдүүддээ сүүлийн удаа хоол хийж өгчээ. Хүүхдүүд хоолоо идэж дуусах үед ээжийнх нь өмссөн дээлийнх нь ар талаас шувууны далавч урган гарч, гэнэт хөхөө шувуу болон хувираад тооноороо гарч, нисэн одлоо. Хүүхдүүд цөм ээжийнхээ хойноос гүйлдэж ээжээ буцаад ирээч дээ гэж дууджээ. Ээж нь ГҮҮГ ГҮҮГ оройтжээ, хүүхдүүд минь. Одоо миний өмнө нуурын ус мэлтийн харагдаж байна. Тэр усаар би өөрийгөө эмчилнэ. Би хэзээ ч гэртээ буцаж очихгүй, гээд уйлан хайлан нисэн одов. Энэ цагаас хойш хөхөө шувуу одоо болтол гаргасан өндгөө өөрөө дардагг...
Read more

Шууз хийх

Шууз Дулааны улиралд махыг нойтноор нь хадгалах уламжлалт арга бол шууз хийх юм. Махыг шуузлахдаа жижиглэн хөшиглөж ширмэн тогоонд хуурна. Ингэж хуурахад их хэмжээний шүүс ялгарна. Энэхүү шүүсийг маханд нь шингээж ширгэтэл хуурна. Хуурсан махаа сэрүүн газар тавьж хөргөнө. Хөргөсөн махыг паалантай буюу модон саванд хийж гулууз модоор хий орох завсаргүй нягт чигжээд сайн таглана. Бэлтгэсэн шуузаа сэрүүн газар хадгална. Махаа жижиглэе, хөшиглөе, шуузалъя, хадгалъя, идье. 
Read more